TNTET Exam Announcement Important Detail 2023
தமிழ்நாடு ஆசிரியர் தேர்வு வாரியம் என்பது ஒரு தமிழ்நாடு அரசு நிறுவனம் ஆகும். தமிழ்நாட்டின் தலைநகர் சென்னையின் நுங்கம்பாக்கம் பகுதியில் கல்லூரி சாலையில் உள்ள பேராசிரியர் அன்பழகன் கல்வி வளாகத்திலுள்ள ஈவிகே சம்பத் மாளிகையின் நான்காவது மற்றும் பதினோறாவது தளத்தில் இது அமைந்துள்ளது.
தமிழகத்தில் ஆசிரியர் நியமனத் தேர்வு குறித்தும், அதற்கான பாடத்திட்டம் குறித்தும் முக்கிய தகவல்கள் வெளியாகியுள்ளது. தமிழக அரசு மற்றும் அரசு உதவி பெறும் பள்ளிகளில் உள்ள இடைநிலை மற்றும் பட்டதாரி ஆசிரியர் பணியிடங்கள் தகுதித்தேர்வு (TET) வாயிலாக நிரப்பப்பட்டு வருகிறது. இந்த தேர்வானது இரண்டு தாள்களாக நடைபெறும்.
முதல் தாள் இடைநிலை ஆசிரியர்களுக்கானது ஆசிரியர் கல்வியியல் பட்டயப் படிப்பை (D.TED) முடித்தவர்கள் இத்தேர்வை எழுதலாம். அடுத்தாக B.ED முடித்தவர்கள் 2ம் தாளை எழுதலாம். 2023-ம் ஆண்டுக்கான TET தேர்வுகள் குறித்த அறிவிப்பு டிசம்பர் மாதம் வெளியாகும் என்று தெரிவிக்கப்பட்டுள்ளது.
TNTET Exam Details:
தமிழகத்தில் உள்ள அரசு பள்ளிகள் மற்றும் கல்லூரிகளுக்கான ஆசிரியர் பணியிடங்களை தமிழ்நாடு ஆசிரியர் தேர்வு வாரியம் பல்வேறு தேர்வுகளை நடத்தி நிரப்பி வருகிறது. இந்த தேர்வுகளில் மிக முக்கியமானது ஆசிரியர் தகுதித் தேர்வு. இந்த தேர்வு இடைநிலை ஆசிரியர்கள் மற்றும் பட்டதாரி ஆசிரியர் பணியிடங்களை நிரப்புவதற்கான தேர்வாகும்.
TNTET Exam Paper Details:
தமிழகத்தில் உள்ள அரசுப் பள்ளிகளில் ஆசிரியர் ஆக விருப்பம் உள்ளவர்கள், கட்டாயம் இந்த தேர்வு எழுதி, தகுதி மதிப்பெண்ணைப் பெற்றிருக்க வேண்டும். இந்த தேர்வு இரண்டு தாள்களாக நடைபெறும். முதல் தாள் டிப்ளமோ ஆசிரியர் பயிற்சி (D.T.Ed) படித்தவர்களுக்கும், இரண்டாம் தாள் பட்டப்படிப்பு ஆசிரியர் பயிற்சி (B.Ed) படித்தவர்களுக்கும் நடைபெறும்.
ஆசிரியர் நியமனத் தேர்வு முக்கிய அறிவிப்பு:
டெட் தேர்வுக்குப் பிறகு ஆசிரியர் நியமனத் தேர்வு நடைபெறும். டெட் தாள் 1 மற்றும் டெட் தாள் 2 தேர்வுகளில் தேர்ச்சி பெற்று ஆயிரக்கணக்கானோர் நியமனத் தேர்வுக்காக தயாராகி வருகின்றனர்.
இந்தநிலையில், ஆசிரியர் நியமனத் தேர்வு தொடர்பாக உயர்மட்ட ஆலோசனைக் கூட்டம் நடைபெற்றது. இந்தக் கூட்டத்தில் ஆசிரியர் தேர்வு வாரிய இயக்குனருடனும் கலந்தாலோசிக்கப்பட்டது. 2023-ம் ஆண்டுக்கான TET தேர்வுகள் குறித்த அறிவிப்பு டிசம்பர் மாதம் வெளியாகும் என்று தெரிவிக்கப்பட்டுள்ளது.
TNTET Exam New Syllabus:
இந்தக் கூட்டத்திற்குப் பின் ஆசிரியர் தேர்வு வாரியத்தின் புதிய இணையதளத்தில் முக்கிய அறிவிப்பு வெளியாகியுள்ளது. அதில் தேர்வு வாரியத்தால் நடத்தப்படும் தேர்வுகளுக்கான பாடத்திட்டம் பதிவேற்றம் செய்யப்பட்டுள்ளது.
இதில் ஆசிரியர் நியமனத் தேர்வுக்கான பாடத்திட்டத்தின் லிங்க் கொடுக்கப்பட்டுள்ளது. சிலபஸ் என்ன என்பது குறித்து இன்னும் அறிவிக்கவில்லை. ஆனால் அதற்கான லிங்க் கொடுக்கப்பட்டுள்ளதால், விரைவில் பதிவேற்றம் செய்யப்படலாம் எனத் தெரிகிறது.
இதன் மூலம் நியமனத் தேர்வுகளுக்கான பணிகள் தீவிரமாக நடைபெற்று வருவது தெரிகிறது. எனவே விரைவில் நியமனத் தேர்வுக்கான அறிவிப்பு மற்றும் பாடத்திட்டம் வெளியாகலாம் என எதிர்ப்பார்க்கப்படுகிறது.
இந்த அறிவிப்பு பற்றிய தகவல் நமது Whatsapp Groupஇல் பகிரப்படும்.நமது Whatsapp குழுவில் இணைய…
| Join |
