TN School Students Tomorrow Onwards Field Trip 2023
தமிழக பள்ளி மாணவர்களுக்கு ஒரு மகிழ்ச்சியான அறிவிப்பு வெளியாகி உள்ளது. அந்தத் தகவலைப் பற்றிய முழு விவரம் கீழே கொடுத்துள்ளோம் மாணவர்கள் படித்து பயன்பெறவும். தமிழக பள்ளி மாணவர்களுக்கு நமது வலைதளத்தின் மூலமாக பல முக்கிய தகவல்களை வழங்கி வருகிறோம்.
தமிழக பள்ளி மாணவர்களுக்கு அக்டோபர் 21, 22, 23, 24 ஆகிய தேதிகளில் தமிழக பள்ளி ஆயுதபூஜை மற்றும் விஜயதசமி விழாவை முன்னிட்டு தொடர் விடுமுறை அளிக்கப்படுள்ளது. இந்த விடுமுறை இன்று முடிந்து மாணவர்கள் நாளை பள்ளிக்கு செல்லும் போது இன்னோரு மகிழ்ச்சியான செயல் நடைபெற உள்ளது.
மாவட்ட ஆட்சியர்களின் வழிகாட்டுதலின் பேரில் தமிழக பள்ளி மாணவர்களுக்கு, கல்லூரி களப்பயணம் வரும் நாளை 25.10.2023 முதல் 28.10.2023 தேதிகளில் நடத்த திட்டமிடப்பட்டுள்ளது. தமிழ்நாடு அரசு மாணவர்களுக்காக பல சலுகைகளை செய்கிறது. அதேபோல் 12 ஆம் வகுப்பு மாணவர்களுக்கு படிக்கும் போது கல்லூரி அனுபவத்தை தர விருப்பப்படுகிறது.
கல்லூரி களப்பயணம்:
அந்த வகையில் கல்லூரி களப்பயணம் என்ற முன்னெடுப்பு 12ஆம் வகுப்பு மாணவர்கள் மத்தியில் பெரிதும் கவனம் பெற்றது. கடந்த கல்வியாண்டில் 33,339 மாணவர்களுக்கு வாய்ப்பு ஏற்படுத்தி தரப்பட்டது.
இந்நிலையில் 2023-24ஆம் கல்வியாண்டில் 12ஆம் வகுப்பு படிக்கும் அரசு பள்ளி மாணவர்கள் பயனடையும் வகையில் மாவட்ட ஆட்சியர்களின் வழிகாட்டுதலின் பேரில் கல்லூரி களப்பயணம் வரும் 25.10.2023 முதல் 28.10.2023 தேதிக்குள் நடத்த திட்டமிடப்பட்டுள்ளது.
பள்ளிக்கு தலா 35 மாணவர்கள்:
ஒரு பள்ளிக்கு தலா 35 மாணவர்கள் வீதம் தேர்வு செய்யப்பட்டு, இதுதொடர்பான பட்டியல் மாவட்ட முதன்மை கல்வி அலுவலர்களுக்கு அனுப்பி வைக்கப்படும். கல்லூரி கள பயணத்திற்கான திட்டம் அமைக்க மாவட்ட அளவில் குழு அமைக்கப்படும்.
அதில், முதன்மை கல்வி அலுவலர், மண்டல இணை இயக்குநர், தேர்ந்தெடுக்கப்பட்ட கல்லூரி முதல்வர்கள், நாட்டுநலப்பணி திட்ட ஒருங்கிணைப்பாளர், மாவட்ட ஒருங்கிணைப்பாளர், மாவட்ட முதன்மை கருத்தாளர்கள், அரசு போக்குவரத்து துறை பிரதிநிதி, மற்ற துறைகளின் பிரதிநிதிகள் ஆகியோர் இடம்பெறுவர்.
திட்டமிடல் கூட்டம்:
தேர்வு செய்யப்படும் 12ஆம் வகுப்பு மாணவர்கள் தாங்கள் தேர்வு செய்துள்ள பாடப் பிரிவின் அடிப்படையில் அந்தந்த பாடப் பிரிவு உள்ள கல்லூரிகளுக்கு அழைத்து செல்லப்படுவர். அவை அரசு மற்றும் அரசு நிதியுதவி பெறும் கல்லூரிகளாக மட்டுமே இருக்கும். அங்குள்ள நூலகம், ஆய்வகங்கள், உபகரணங்கள், விளையாட்டு மைதானங்கள், விடுதி அறைகள், உணவு கூடம், வகுப்பறைகள் போன்றவற்றை பார்வையிடுவர்.
மேலும் அக்கல்லூரியில் உள்ள இளங்கலை படிப்புகள், உதவித்தொகை திட்டங்கள், போட்டித் தேர்வுகள் மற்றும் வேலைவாய்ப்புகள், கல்வி சாரா நிகழ்வுகள், கருத்தரங்குகள், பயிற்சி வகுப்புகள், சான்றிதழ் படிப்புகள், ஆராய்ச்சி படிப்புகள், விளையாட்டு வசதிகள், உயர்கல்விக்கு முதன்மையான நிறுவனங்கள், படிப்பு மற்றும் இதர செயல்பாடுகள் சார்ந்த கல்லூரி அனுபவம் ஆகியவை பகிரப்படும்.
களப்பயணத் திட்டம் தொடர்பான பொறுப்பு:
களப்பயணத் திட்டம் தொடர்பான பொறுப்பு கல்லூரி முதல்வர்/ துணை முதல்வர்/ துறை தலைவர்கள் / நாட்டு நலப்பணித் திட்ட அலுவலர்/ விளையாட்டு துறை இயக்குநர்/ கல்லூரியின் தற்போதைய மற்றும் முன்னாள் மாணவர்கள் ஆகியோரிடம் ஒப்படைக்கப்படும். கல்லூரி களப்பயணம் மேற்கொள்ளும் நாளில் அரசு போக்குவரத்து கழகத்தின் மூலம் அரசு பேருந்துகள் ஒதுக்கி தர நடவடிக்கை எடுக்க வேண்டும். 70 மாணவர்களுக்கு ஒரு பேருந்து என ஏற்பாடு செய்வது அவசியம்.
களப்பயணத் திட்டம் தொடர்பான உரிய தகவல்களை சம்பந்தப்பட்ட மேல்நிலைப் பள்ளிகளுக்கு வழங்கி சரியான முறையில் பங்கேற்கும்படி செய்வது மாவட்ட முதன்மை கல்வி அலுவலர்களின் பணியாகும். களப் பயணத்தின் போது மாணவர்களுடன் இரண்டு ஆசிரியர்கள் செல்ல வேண்டும். சீருடையில் தான் மாணவர்கள் வர வேண்டும். மாணவர்களுக்கு மதிய உணவு, மாலை தேநீர், திண்பண்டங்கள் வழங்க வேண்டும்.
கல்வி மாநிலத் திட்ட இயக்குநர்:
களப்பயணம் முடிந்து அனைவரும் வீட்டிற்கு செல்வதை ஆசிரியர்கள் உறுதி செய்ய வேண்டும். களப்பயணம் குறித்து காலை வணக்கக் கூட்டத்தில் பிற மாணவர்களுக்கு பகிர வேண்டும் என்று அனைத்து முதன்மை கல்வி அலுவலர்கள், DIET முதல்வர்கள், அரசு மேல்நிலைப் பள்ளி தலைமை ஆசிரியர்களுக்கு ஒருங்கிணைந்த பள்ளிக் கல்வி மாநிலத் திட்ட இயக்குநர் மா.ஆர்த்தி ஐஏஎஸ் உத்தரவிட்டுள்ளார்.
