தமிழகத்தில் உள்ள அரசு, அரசு நிதியுதவி மற்றும் தனியார் பள்ளிகளில் 10th மற்றும் 12th படித்து வரும் மாணவர்கள் பொதுத்தேர்வு கால அட்டவணை நவம்பர் இரண்டாவது வாரத்தில் வெளியாகும் என்று தகவல்கள் தெரிவிக்கின்றன.
தமிழகத்தில் உள்ள அரசு, அரசு நிதியுதவி மற்றும் தனியார் பள்ளிகளில் 10ஆம் வகுப்பு படித்து வரும் மாணவர்கள் பொதுத்தேர்வு எழுதுவதற்கான ஏற்பாடுகள் தற்போதே தொடங்கிவிட்டன. வழக்கமாக ஏப்ரல் மாதத்தில் தேர்வுகள் நடைபெறும்.
கடந்த ஆண்டை பொறுத்தவரையில் ஏப்ரல் 6ஆம் தேதி தொடங்கி ஏப்ரல் 20ஆம் தேதி முடிவடைந்தது. இதில் தமிழ், ஆங்கிலம், பிற மொழிப்பாடம், கணிதம், அறிவியல், சமூக அறிவியல் ஆகிய தாள்கள் இடம்பெறும்.
பொதுத்தேர்வு:
நடப்பாண்டும் ஏப்ரல் முதல் வாரத்தில் 10th மற்றும் 12th பொதுத்தேர்வு தொடங்கும் என்று எதிர்பார்க்கப்படுகிறது. இதற்கான கால அட்டவணை நவம்பர் இரண்டாவது வாரத்தில் வெளியாகும் என்று தகவல்கள் தெரிவிக்கின்றன. வழக்கமாக தேர்வு மைய அங்கீகாரம் பெற்ற பள்ளிகளில் தான் பொதுத்தேர்வு எழுத மாணவர்கள் அனுமதிக்கப்படுவர். ஒருவேளை அதே பள்ளியில் தேர்வு மையம் இல்லையெனில் அருகிலுள்ள வேறொரு பள்ளியில் அமைக்கப்பட்டிருக்கும்.
பள்ளியில் தேர்வு மையம்:
ஏனெனில் போதிய எண்ணிக்கையில் மாணவர்கள் இல்லை என்றாலோ, சரியான உள்கட்டமைப்பு வசதிகள் இல்லை என்றாலோ அந்த பள்ளியில் தேர்வு மையம் அமைக்க அனுமதி தரப்படாது. எனவே வேறொரு பள்ளிக்கு சென்று தான் மாணவர்கள் பொதுத்தேர்வு எழுத முடியும். இந்த புதிய சூழல் சில மாணவர்களுக்கு சவுகரியமாக இல்லாமல் இருக்க வாய்ப்புள்ளது. ஆனால் வேறு வழியில்லை. இப்படியான நடைமுறை தான் தொடர்ச்சியாக பின்பற்றப்பட்டு வருகிறது.
அதேசமயம் தேர்வு மையங்களை மாற்றிக் கொள்ளும் வசதியும் தமிழக அரசு அளிக்கிறது. இதற்கென்று சில அடிப்படையான விஷயங்கள் பின்பற்றப்படுகின்றன. இந்நிலையில் அனைத்து மாவட்ட கல்வி அலுவலர்களுக்கும் அரசு தேர்வுகள் இயக்ககத்தின் இணை இயக்குநர் நரேஷ் சுற்றறிக்கை ஒன்றை அனுப்பியுள்ளார்.
அதில், 10ஆம் வகுப்பு பொதுத்தேர்வு எழுதும் மாணவர்களின் தேர்வு மையங்களை மாற்றும் கோரிக்கைகள் இருந்தால், அதுதொடர்பான ஆவணங்கள் உடன் விண்ணப்பிக்கலாம் என்று அறிவுறுத்தப்பட்டுள்ளது.
இதையொட்டி தங்கள் ஆளுகைக்கு உட்பட்ட கல்வி மாவட்டத்தில் உள்ள பள்ளிகளில் தேர்வு மையம் மாற்றம் கோரும் இணைப்பு பள்ளிகள் தொடர்பான விவரங்களை தெரிவிக்கலாம். இதற்கான விண்ணப்பமும் கூடவே அனுப்பி வைக்கப்பட்டுள்ளது. அதனை பூர்த்தி செய்து சம்பந்தப்பட்ட மாவட்ட கல்வி அலுவலர் கையொப்பத்துடன் வரும் அக்டோபர் 31ஆம் தேதிக்குள் அரசு தேர்வுகள் இயக்கக முகவரிக்கு அனுப்பி வைக்க வேண்டும். மேலும் dgeb3sec@gmail.com என்ற இ-மெயில் முகவரிக்கும் அனுப்பி வைக்குமாறு கேட்டுக் கொள்ளப்பட்டுள்ளது.
மாணவர்களுக்கு மிகவும் மகிழ்ச்சி:
இதன்மூலம் அருகருகே உள்ள இரண்டு பள்ளிகளில் 10ஆம் வகுப்பு பொதுத்தேர்வு எழுதும் மாணவர்களின் மொத்த எண்ணிக்கை 100க்கும் மேல் இருந்தால், அவற்றில் ஒரு பள்ளியில் தேர்வு மையத்தை மாற்றிக் கொள்ள விண்ணப்பிக்கலாம். இதன்மூலம் மாணவர்கள் தொலைதூரம் சென்று பொதுத்தேர்வு எழுதத் தேவையில்லை. அருகிலேயே தேர்வு எழுத முடியும். இந்த நடவடிக்கை 10ஆம் வகுப்பு மாணவர்களுக்கு மிகவும் மகிழ்ச்சியாக இருக்கும் என்று எதிர்பார்க்கப்படுகிறது.
